Meraj ki raat huzur ke ghar ki chat khuly or nagha hazrat jibrail alehsalam chand farishto ke saath nazil hue or aap ko harme kaaba me le gae jakar aap ke sinae mubarak ko chak kiya or kalbe anwar ko nikal kar aabe zamzam se dhoya fir iman w hikmat se bhare hue ek tasht ko apke sine me undel kar shikam chak barabar kar diya.
Fir ap buraq par sawar ho kar baitul muqddas tashrif lae buraq ki tez raftari ka ye alam tha ki uska kadam wahan padta tha jahan uski nigah ki akhri had hoti thi baitul muqddas pahunch kar buraq ko apne us halqa me bandh diya jisme ambiya alehsalam apni sawariyo ko bandha karte the fir apne tamam ambiya or rasul ko jo wahan hazir the do rakat namaze nafal jama'at se padai
Jub yahan se nikale to hazrate jibrail ne sharab or dudh ke do pyale ap ke samne pesh kiye aapne dudh ka pyala utha liya yah dekh kar hazrate jibrail ne kaha ki aap ne fitrat ko pasand farmaya ager aap sharab ka pyala utha lete to apki ummat gumrah ho jati fir hazrate jibrail aap ko sath lekar aasman par chadhe pahle asman par hazrat adam alehsalam se dusre asman me hazrat yahya or hazrate isa alehsalam se mulaqat hui or kuch guftgu bhi hui fir tisre asman me hazrate yusuf alehsalam se chauthe asman me hazrate idris alehsalam se or panchwe asman me hazrate haroon alehsalam se aur chate asman me hazrate moosa alehsalam se or satwe asman par pahunche to waha hazrate ibrahim alehsalam se mulaqat hui wo baitul ma'amur se pith lagae baithe the jisme rozana sattar hazar farishte nazil hote hai ba waqte mulaqat har paighambar ne kaha khushaamdid aie paighmbar saoleh kah kar apka iteqbal kiya!
Fir aapko junnat ki sair karai gai iskebaad aap sidrtul muntha par pahunche us darqt par jub anwar ilahi ka parto pada to ek dam uski surat badal gai or usme rung birung ke anwar ki aisi tajlli nazar aai jinki kaifiyato ko alfaz ada nahi kar sakte yahan pahunch kar hazrate jibrail ye kahkar thahar gae ki ab iske aage mai nahi bad sakta
Fir hazrate haq jall jalalahu ne apko arsh balki arsh ke upar jahan tak usne chaha bulakar aap ko bareyab farmaya or khalwatgahe raz me naaz wa niyaz ke woh paigham ada hue jinki latafat wo nazakat alfaz ke bojh ko bardash nahi kar sakti! Bargahe ilahi me beshumar atiyat ke alawa tin khas inamat marhamat hue jinki azmato ko allah wa rasool ke siwa kon jan sakta hai
(1) sure baqra ki akhri aythe
(2) yah khush khabri ki apke ummat ka har wo shaqs jisne shirq na kiya ho baqsh diya jaega
(3) ummat par pachas waqt ki namaz
jub aap in khudawanddi atiyat ko lekar wapas fire to hazrate moosa alehsalam ne aap se arz ki aap ki ummat me in pachas namazo ka baar na uth sakega lihaza aap wapas jaiye aur allah tala

Se Taqfif ki darkhwast kijie!


Chunache hazrate moosa ke mashware se chand baar aap bargahe ilahi me aate jaate or arz parwaz hote rahe yaha tak ki sirf panch waqt ki namaze rah gai or allah tala ne apne habib se farmaya ki mera qaul badal nahi sakta aie mehboob aapki ummat ke lie yah panch namaze bhi pachas hogi! Namaze to panch hi hogi magar mai apki ummat ko in pancho namazo par pachas namazo ka ajr wa sawab ata karunga! Fir aap alame malkut ki acchi tarah sair farma kar aur ayaate ilahiya ka muayna wa mushahda farma kar asman se zamin par tashrif lae aur baitul muqddas me dakhil hue aur buraq par sawar ho kar makka muqrrama ke lie rawana hue raste me aap ne baitul muqddas se makka tak ki tamam manzilo aur quresh ke kafila ko bhi dekha aur un tamam marahil ke tay hone ke baad aap masjide haram me pahunch kar(chuki abhi raat ka kafi hissa baqi tha) aram farmaya aur subah bedar hue!
Aur jub raat ke waqiat ka aap ne quresh ke samne tazkira farmaya to ru'usae quresh ko saqt tajjub hua yahan tak ki baaz kor batino ne aapko jhuta kaha aur baaz ne mukhtalif sawalat kie chuki aksar ru'usae quresh baar baar baitul muqddas ko dekha tha aur wo yah bhi jante the ki huzur kabhi bhi baitul muqaddas nahi gae the islie ru'usae quresh ne baitul muqaddas ke dar wo diwar aur uski mehrab wagerah ke baare me sawalo ki bauchar shuru kardi ur waqt allah tala ne fauran hi aapki nigahe nabuwwat ke samne baitul muqaddas ki puri imarat ka naqsha pesh farma diya! Chunche kuffare quresh aap se sawal karte jaate the aur huzur imarat ko dekh dekh kar un sawalo ka thik thik juwab dete jaate the!


(bukhari kitabussalat, kitabul ambiya,kitabul tauhid,babul mearaj, muslim babul mearaj, shifa,sirate musatafa)
Mearaj ki raat hamare aqa huzur mustafa sallahualehiwasallam ko allah pak ki taraf se ek azim tohafa azim neamat mily wo neamat or tohfa ye hy ke huzur ko meraj ki raat allah pak ka didar hua

Aur koi ghaib kya tumse niha ho bhala
jub na khuda hi chupa tumpe karodo darood
huzur alahazrat

ulmae kiram se guzarish hy ke ager humse kuch ghalty khami ho gai ho to meharbani karke hamari rehnumai kare
hamara phon no. Hy
9730473207 or email id hy
sarkarekalan@mig33.com